Listen Powerful Stotram "चंद्र कवच स्तोत्र | Chandra Kavacham With Lyrics | Powerful Navagraha Stotram"<br /><br />चन्द्रकवचम् Lyrics :<br /><br />श्रीगणेशाय नमः ।<br />अस्य श्रीचन्द्रकवचस्तोत्रमन्त्रस्य गौतम् ऋषिः ।<br />अनुष्टुप् छन्दः, श्रीचन्द्रो देवता, चन्द्रप्रीत्यर्थं जपे विनियोगः ।<br />समं चतुर्भुजं वन्दे केयूरमुकुटोज्ज्वलम् ।<br />वासुदेवस्य नयनं शङ्करस्य च भूषणम् ॥ १॥<br /><br />एवं ध्यात्वा जपेन्नित्यं शशिनः कवचं शुभम् ।<br />शशी पातु शिरोदेशं भालं पातु कलानिधिः ॥ २॥<br /><br />चक्षुषी चन्द्रमाः पातु श्रुती पातु निशापतिः ।<br />प्राणं क्षपाकरः पातु मुखं कुमुदबान्धवः ॥ ३॥<br /><br />पातु कण्ठं च मे सोमः स्कन्धे जैवातृकस्तथा ।<br />करौ सुधाकरः पातु वक्षः पातु निशाकरः ॥ ४॥<br /><br />हृदयं पातु मे चन्द्रो नाभिं शङ्करभूषणः ।<br />मध्यं पातु सुरश्रेष्ठः कटिं पातु सुधाकरः ॥ ५॥<br /><br />ऊरू तारापतिः पातु मृगाङ्को जानुनी सदा ।<br />अब्धिजः पातु मे जङ्घे पातु पादौ विधुः सदा ॥ ६॥<br /><br />सर्वाण्यन्यानि चाङ्गानि पातु चन्दूऽखिलं वपुः ।<br />एतद्धि कवचं दिव्यं भुक्तिमुक्तिप्रदायकम् ।<br />यः पठेच्छृणुयाद्वापि सर्वत्र विजयी भवेत् ॥ ७॥<br /><br />॥ इति श्रीचन्द्रकवचं सम्पूर्णम् ॥
